Astanada temir jol bıletterin Elektrondy satý ortalyǵy qurylady
Astana qalasynyń temir jol vokzalynda Elektrondy satý ortalyǵyn qurý boıynsha ilki jobany engizý 2013 jyldyń kúzine belgilenip, jyldyq satý aýqymy kem degende 450 myń elektrondyq bıletti quraıdy dep josparlanýda.
Temir jol vokzalyndaǵy elektrondy satý ortalyǵy tıisti qyzmetterdi kórsetýge qabiletti avtomattandyrylǵan ózine-ózi qyzmet kórsetý kassalary ornatylǵan jolaýshylarǵa qyzmet kórsetý zalynan turady.
Atalǵan kompanııa baspasóz qyzmetiniń habarlaýynsha, elektrondyq sórege qosylǵan avtomattandyrylǵan ózine-ózi qyzmet kórsetý kassalary jolaýshyǵa qajet bıletin izdep tabýǵa, ony artyq aqshany alýmen qolma-qol aqshaǵa nemese bank kartasy arqyly satyp alýǵa múmkindik beredi. Qolma-qol aqshaǵa satyp alý kezinde artyq aqshany berý qaǵaz aqshada jáne tıyn túrinde de júzege asyrylady.
Jobanyń ekinshi satysynda e-Tenge, WebMoney, Yandex aqsha jáne ózge de elektrondyq aqshalarmen tólem jasaý múmkindigi qarastyrylǵan.
Bıletterdi basyp shyǵarý otyrǵyzý kýpony, chek retinde júzege asyrylady. Bir avtomattandyrylǵan kassanyń áleýeti táýligine 250 bıletti quraıdy.
