Astanada «Tekti sózdiń tóresi - terme» atty respýblıkalyq báıgeniń qorytyndy keshi ótedi
ASTANA. 6 aqpan. QazAqparat - Halqymyzdyń kezinde ulttyq tárbıege ustyn etken, asyl dinimizdi nasıhattaýdyń, aq pen qarany, jaqsy men jamandy, adal man haramdy ajyratýdyń quraly bolǵan terme jazý shyǵarmashylyǵy keıingi kezde toqyrap qalǵandaı.
Ár sózi mirdiń oǵyndaı kózdegen nysanaǵa dóp tıip, kóńil kózin ashyp, shólirkegen rýhqa zámzám sýyndaı shıpa bolatyn zamanǵa laıyq jańa terme búgin de kerek. Osyǵan oraı «Áziret Sultan» meshiti Respýblıkalyq «Tekti sózdiń tóresi - terme» báıgesin jarııalaǵan bolatyn.
Táýelsizdik alǵaly alǵash ret uıymdastyrylyp turǵan jańa termelerge arnalǵan bul báıge óz máresine jetti. Aqpannyń 9-y kúni Astana qalasynyń «Kongress-Holl» saraıynda, saǵat 14:30-da báıgeniń qorytyndy keshi ótedi. Keshke memlekettik laýazymdy tulǵalar men zııaly qaýym ókilderi qatysady.
Bul týraly «Áziret Sultan» meshitiniń baspasóz qyzmeti habarlady.
Keshte júldeli oryndarǵa ıe bolǵan úzdik jańa termeler oryndalyp, júldegerler marapattalady. Bas júldege sheteldik avtokólik tigilip otyr. Bir birinshi orynǵa - 1 500 000 teńge syılyq berilmek. Eki ekinshi orynnyń árqaısysyna 750 000 teńgeden, úshinshi úsh júldegerge 500 000 teńgeden beriledi. 15 adamǵa yntalandyrý syılyqtaryna ýmra qajylyqqa joldamlar beri kózdelip otyr. Sondaı-aq eń úzdik maqam júldesine beriletin úsh syılyq 150 000 teńgeden bolmaq. Al eń úzdik oryndaýshy (3 júlde) 150 000 teńgeni ıelenbek.
