Astanada tekserý júretindikten jolaýshylar poıyz júrý ýaqytynan bir saǵat buryn kelgeni abzal

ASTANA. QazAqparat - Astana temir jol vokzaly ákimshiligi tekseriske baılanysty jolaýshylardy poıyz júrgenge deıin bir saǵat buryn kelýdi ótinedi, - dep habarlady «QazAqparat» HAA tilshisi.

 «Astana temir jol vokzalynda ótkizý rejimi, jolaýshylar men olardyń  zattaryn, júkterin tekserý engizilýine baılanysty sizderden poıyz júrgenge deıin 60 mınýt buryn kelýlerińizdi suraımyz», - delingen vokzal ákimshiliginiń habarlamasynda.

Eske salsaq, tekseris 1 sáýirde engizilgen. 1 maýsymnan bastap ótkizý rejimi respýblıkanyń qalǵan barlyq 13 vokzalyna engiziledi.

Eske salsaq, tekserý rásimi lańkestik qaýiptilik deńgeıine qaraı aıqyndalady. Terrorlyq qaýip joq kezeńde nemese ortasha (jasyl) deńgeıde irikteý tekseris júredi. Joǵary «Sary» jáne qaýipti (qyzyl) deńgeıde barlyq jolaýshylar men kelýshiler,  olardyń zattary,  qol júkteri tekseriledi.