Astanada tehnıkalyq tekserýden ótýge tapsyrylǵan 171 103 kóliktiń 12 668-i jaramsyz kúıde - Jol polıtsııasy
ASTANA. Qyrkúıektiń 13-i. QazAqparat /Gúlmıra Álıakparova/ - Astana qalasynda kólikterdiń jyl saıynǵy tehnıkalyq tekserýden ótý qarqyny 88,2 paıyzdy qurady. Bul týraly elordalyq ІІD Jol polıtsııasy basqarmasynan málim etti.
Eske sala keteıik, qazir kólikterdi tehnıkalyq tekserýden ótkizý fýnktsııasy Jol polıtsııasy basqarmasynyń quzyryna berildi.
Búgingi kúni Astanada 206 302 birlik tehnıkalyq qural tirkelgen. Onyń 171 103-i jeke tulǵalarǵa, 35 199-y zańdy tulǵalarǵa tıesili. Ótken segiz aıda tehnıkalyq tekserýden ótýge 171 103 kólik tapsyryldy, onyń 95 133-i ereje-talaptarǵa saı bolsa, 12 668-inde túrli kinárattar tabylǵan. Tekserýden ótý qarqyny 88,2 paıyzdy qurady.
Sonymen birge, JPB memlekettik tehnıkalyq tekseristen ótpegen avtokólik quraldaryn jolǵa shyǵarý QR Jolda júrý erejelerimen tyıym salynatyndyǵyn eskertip, bul talap oryndalmaǵan jaǵdaıda Ákimshilik quqyqbuzýshylyq týraly QR Kodeksiniń 461-shi babyna sáıkes úsh aılyq eseptik kórsetkish kóleminde (4239 teńge) aıyppul salynatynyn sondaı-aq, kólik paıdalanýǵa shyǵarylmaıtynyn aıtty.
Eske sala keteıik, QR Salyq zańnamasyna 2010 jylǵy qańtardyń 1-inde engizilgen ózgertýlerge sáıkes, mehanıkalyq kólikter men tirkemelerge kýálikter men tehnıkalyq tekserýden ótkendigi týraly talondar, kóliktiń aǵymdaǵy jylǵy salyǵy tólengendigin rastaıtyn túbirtek usynylǵan jaǵdaıda ǵana beriledi.
