Astanada tehnıkalyq qyzmet kórsetý stansasy órtendi
ASTANA. QazAqparat – Elordada kólikterge arnalǵan tehnıkalyq baıqaý stansasynan órt shyqty, dep habarlaıdy QazAqparat tilshisi qalalyq TJD baspasóz qyzmetine silteme jasap.
Órt elordanyń ońtústik-shyǵys shaǵyn aýdany Aınakól kóshesindegi kólik jóndeý stansasynan (STO) shyqqan.
«9 aqpanda saǵat 13:57-de Tótenshe jaǵdaılar departamenti bólimshesine órt týraly habar jetti. Órt sóndirýshiler oqıǵa ornyna 5 mınýtta baryp, 200 sharshy metr aýmaqta jeke úıge jaqyn, tehınıkalyq qyzmet kórsetý stansasynyń janyp jatqanyn anyqtady. TQS ishindegi eki kólik órtenip ketti. Tilsiz jaýdy órt sóndirýshiler saǵat 14:44-te oqshaýlady», - delingen resmı habarlamada.
Tótenshe jaǵdaılar departamentiniń málimetinshe, órt saǵat 15:25-te sóndirildi. Zardap shekkender men qaza tapqandar joq.
Vıdeodan alynǵan kadr