Astanada tehnıkalyq aqaýy bar avtobýspen jolaýshy tasyǵandar jazalandy
ASTANA. QazAqparat - Qoǵamdyq kóliktiń qatysýymen bolatyn jol apattarynyń aldyn alý úshin Astana polıtsııasy men Kóliktik baqylaý ınspektsııasy «Avtobýs» jedel-aldyn alý sharasyn ótkizdi, dep habarlaıdy QazAqparat.
Astana qalasynyń Іshki ister departamentinen málim etkendeı, 16-18 shilde aralyǵynda ótken reıd barysynda avtobýs júrgizýshileriniń jol erejesin buzýdyń 280-nen astam faktisi anyqtaldy.
«Atalǵan faktiler boıynsha avtobýs júrgizýshileri ákimshilik jazaǵa tartyldy. Sondaı-aq, keı avtobýstardyń tehnıkalyq aqaýǵa qaramastan, jolaýshylardy tasymaldaýǵa shyǵarylǵany belgili boldy. Nátıjesinde 6 laýazymdy tulǵa men zańdy tulǵaǵa qatysty ákimshilik jaza taǵaıyndaldy», - delingen taratylǵan habarlamada.
Astana qalalyq ІІD Ákimshilik polıtsııa basqarmasynyń habarlaýynsha, qoǵamdyq kólik júrgizýshileriniń jolda júrý erejesin saqtaýyn qamtamasyz etý maqsatynda mundaı sharalar turaqty túrde ótkizilip turady.
