Astanada tegin zamanaýı dárethanalar ornatyldy
ASTANA. QazAqparat - Elordada 6 tegin modýldi dárethana ornatyldy. Qala ákimdigi saıtynyń habarlaýynsha, onyń úsheýi jelilik - ınjenerlik jelisine qosylǵan jáne úsheýi - avtonomdy. Olardyń bireýi «Ǵashyqtar» saıabaǵynda, qalǵandary «Araı» saıabaǵynda, tennıs korty aýmaǵynda, ortalyq saıabaq aýdanynda ornalasqan.
Taǵy eki dárethana «Kórme» kórme keshininde jáne Uly Dala dańǵylynda, «EKSPO-2017» kórmesi mańynda.
Modýldi dárethanalar Reseıdiń Sankt-Peterbýrg qalasynda jasalǵan.
Dárethanalardy satyp alý nemese kúrdeli jumys júrgizýge qaraǵanda modýldi dárethanalar áldeqaıda arzanǵa shyǵady. Bul - múldem jańa úlgide qurastyrylǵan joǵary jaılylyqty qamtamasyz etetin mobıldi dárethana.
Modýldi dárethanalardyń eki túri bar: jelilik jáne avtonomdy. Alǵashqysy káriz jáne sý júıelerine qosylýdy qajet etetindikten daıyndalǵan orynǵa qoıylady.
Al, avtonomdy modýlderdiń jınaqtaý bagy bar, sondyqtan ınjenerlik jelilerge qosýdyń qajeti joq. Sol sebepti kez kelgen jerge qoıýǵa bolady. Basty talap - elektr jelisine qosý.
Astanadaǵy jańa qoǵamdyq dárethanalar shaǵyn, zamanaýı, túri qala kórkin buzbaıtyn, barlyq ekostandarttarǵa saı.
Qondyrǵy eki shaǵyn kabınadan turady. Múmkindigi shekteýli adamdar úshin arnaıy pandýs bar. Santehnıkadan bólek, suıyq sabyn men qaǵaz oramaldarǵa arnalǵan dıspanserler ornatylǵan.
Qoǵamdyq dárethanalar kelýshiler úshin tegin bolmaq. Modýldi dárethanalardyń ereksheligi jyl boıy paıdalanýǵa bolady. Olar Astananyń klımattyq jaǵdaıyna beıimdelgen.
