Astanada tegin dári-dármek emhanalar arqyly berilmek
ASTANA. QazAqparat - Astana densaýlyq saqtaý basqarmasy «Gıppokrat» dárihanalar jelisi qyzmetinen bas tartyp, tegin dári-dármekti memlekettik emhanalar arqyly berýge sheshim qabyldady, dep habarlaıdy «QazAqparat» HAA tilshisi elorda ákimdiginiń baspasóz hatshysy Elvıra Júrgenbaevaǵa silteme jasap.
«Dári-dármek qoljetimdiligin arttyrý jáne ambýlatorııalyq dári-dármekpen qamtamasyz etý shyǵyndaryn retteý úshin densaýlyq saqtaý basqarmasy dárilik preparattardy memlekettik emhanalar arqyly berýge sheshim qabyldady», - dep jazdy ol Feısbýkte.
Buryn qala ákimdigi tegin medıtsınalyq kómektiń kepildengen kólemi aıasyndaǵy ambýlatorııalyq dári-dármekpen qamtý týraly aqparat taratqan bolatyn.
«Respýblıkalyq bıýdjet 2018 jyl úshin Astanaǵa 119 myń naýqasty qamtamasyz etý maqsatynda 7,6 mlrd teńge qarjy bóldi. Al tegin preparattardyń tizimi 30%-ǵa ulǵaıyp, Astana qalasynyń emhanalary suraǵan qarjy 12 mlrd teńge boldy. ıAǵnı bıýdjet defıtsıti 4,4 mlrd teńgeni qurady», - delingen densaýlyq saqtaý basqarmasynyń habarlamasynda.
2017 jyly tegin ambýlatorııalyq qamtý aıasynda 8,7 mlrd teńgeniń dári-dármegi ıgerilgen, biraq bul Astana turǵyndarynyń qajettiligin tolyǵymen qanaǵattandyrǵan joq. 2017 jyly 98,5 myń adam qamtamasyz etilgen, bul 2016 jylǵa qaraǵanda 8,5 myńǵa kóp degen sóz.
Ázirge «SK-Farmatsııa» JShS men emhanalar arasynda turǵyndardy dári-dármekpen ambýlatorııalyq deńgeıde qamtamasyz etý týraly kelisim jasalmaǵan, sondyqtan preparattardy jetkizý kesheýildeýi múmkin.
Dári-dármek jetispeýshiligin boldyrmaý maqsatynda basqarma 2018 jylǵy qańtardyń sońyna deıin turǵyndardyń dıspanserlik tobyn preparattarmen qamtý sharalaryn qarastyrdy.
Eger «SK-Farmatsııa» JShS dárilik preparattardy qaladaǵy emhanalardyń qoımasyna jetkizýi barysynda úzilister bolsa, daǵdarys jaǵdaıyn týyndatyp, elorda turǵyndarynyń narazylyǵyna sebep bolýy múmkin.
