Astanada teatr synshysy Áshirbek Syǵaıdy eske alý keshi ótedi
ASTANA. QazAqparat - 22 qańtarda saǵat 11.00 Qazaq ulttyq óner ýnıversıtetinde J. Jabaev atyndaǵy úlken kontsert zalynda belgili teatr synshysy, Qazaqstannyń eńbek sińirgen óner qaıratkeri, QR Memlekettik syılyǵynyń, «Qurmet» ordeniniń ıegeri, «Platınaly Tarlan» syılyǵynyń laýreaty, professor, aýdarmashy, pedagog Áshirbek Tórebaıuly Syǵaıǵa arnalǵan eske alý keshi ótedi.
Bul týraly elorda ákimdiginiń resmı saıtynan habarlady.
Kesh barysynda sanaly ǵumyryn ulttyq mádenıetimiz ben tól ónerimizdiń damýy jolynda zor eńbek etip, artynda mol mura, óshpes izin qaldyryp ketken synshy tulǵanyń ómiri men óneri jaıynda úzeńgi dostary men áriptesteri, qazaq zııalylary men shákirtteri óz estelikterinen syr shertedi.
20-ǵa jýyq kitap, ár túrli ózekti taqyryptarǵa 1 myńnan astam maqala jazǵan óner qaıratkeri Áshirbek Tórebaıuly ómiriniń sońǵy jyldarynda óner ordasy Qazaq ulttyq óner ýnıversıtetinde ustazdyq etti. Bilikti maman «Es-aımaq» atty mádenı-tanymdyq pikirtalas birlestiginiń negizin qalap, «Shabyt» jýrnalynyń shyǵýyna uıtqy boldy.
Eske alý keshine Aıman Musaqojaeva, Saýytbek Ábdirahmanov, Keńes Dúısekeev, Talǵat Temenov sekildi óner maıtalmandary qatysady.
