Astanada teatr festıvali ashyldy (FOTO)
ASTANA. QazAqparat - Jyl saıyn 20-26 maýsym aralyǵynda elorda kúni qarsańynda Astanada «Sahnadan sálem!» halyqaralyq teatr festıvali ótedi. Osymen tórtinshi ret ótkiziletin festıvaldiń shymyldyǵy «Jastar» teatrynda rejısser N. Jaqypbaıdyń «Motsart» mıýzıklimen ashylady, dep habarlaıdy qalanyń resmı saıty.
Apta boıy elordalyq teatr sahnalarynda Astana, Almaty, Jezqazǵan, Oral, Óskemen, Shymkent, Semeı qalalarynyń, sondaı-aq máskeýlik «Teatr Lýny» jáne kıevtik «PaperWall» teatrlarynyń trýppalary óz ónerlerin ortaǵa salady. Bıyl sharaǵa 11 teatr qatysady.
«Bul óte qyzyq festıval. Bizdiń basqa da qazaqstandyq sharalarǵa qaraǵanda «Sahnadan sálem!» naǵyz mereke, munda dostar men kásipqoılar kezdesedi, shyǵarmashylyq praktıkamen jáne tájirıbemen almasady. Festıvaldiń qundylyǵy da osy», - dedi teatr synshysy jáne dramatýrg Erkin Jýasbek.
2013 jyldan beri festıvalge Qazaqstannyń barlyq óńirleriniń, sondaı-aq, taıaý jáne qıyr shetelderdiń: Reseı, Lıtva, Túrkııa, Dagestan, Grýzııa teatrlary qatysty.
IV halyqaralyq teatr festıvaliniń qurmetti qonaqtary ári qazylar alqasy quramynda tanymal dramatýrg, teatr synshysy Erkin Jýasbek, QR halyq ártisi, Gúljahan Áspetova, Qazaqstannyń halyq ártisi Talǵat Temenov, sondaı-aq sheteldik qonaqtar Mádenıet qaıratkerleriniń astanalyq tsehi keńesiniń múshesi Igor Krasnopolskıı jáne teatrtanýshy Marııa ıÝreva syndy óner qaıratkerleri bolady.
Elorda turǵyndary men qonaqtary apta ishinde «Antrakt» dramasyn, «OnOnaJızn» vızýaldy-plastıkalyq spektaklin, «Qara shekpen» mysalyn, «Zver» fantastıkalyq tarıhyn, «Qulan qypshaq - Keıki batyr» tarıhı dramasyn, «Probýjdenıe» tresh-dramasyn, «Bas», «Jalt etken bir sáýle», «Bir kem dúnıe» dramalaryn tamashalaıdy. 
