Astanada «Taza Qazaqstanǵa» arnalǵan 40 metrlik alyp mural paıda boldy
ASTANA. KAZINFORM — Sýret Syǵanaq kóshesi, 1-úıdiń qabyrǵasyna salyndy. Onyń bıiktigi — 40 metr jáne aýdany — 480 sharshy metr. Bul jaıynda qala ákimdiginen habarlandy.
Muralda ulttyq kıimdegi balalar beınelengen. Kóshetti sýaryp turǵan balalar ósý men órkendeýdi beıneleıdi.
Kók aspannyń fonynda shańyraq pen ýyqtardy jáne Astananyń kórnekti jerlerimen bezendirilgen jasyl planetany kórýge bolady.
Muralda «Taza Qazaqstan — Taza bolashaq» degen jazý jazylǵan.
Mural osy jyldyń sáýir aıynda bastalǵan «Taza Qazaqstan» respýblıkalyq ekoaktsııasynyń aıasynda salynǵan.
Osy bastama aıasynda elordada túrli is-sharalar ótkizilip, oǵan myńdaǵan astanalyqtar qatysty.
Turǵyndar qalany abattandyrýǵa, aǵash otyrǵyzýǵa, ózenderdi tazartýǵa jáne ruqsat etilmegen polıgondardy joıýǵa belsendi qatysyp, áleýmettik bastamalarǵa qoldaý berýde.
