Astanada «Taza Qazaqstan» aktsııasy aıasynda salaýatty ómir salty festıvali ótedi
ASTANA. KAZINFORM — 19 jáne 20 qyrkúıekte Astananyń Ortalyq saıabaǵynda «Taza Qazaqstan» ekologııalyq aktsııasy aıasynda salaýatty ómir salty festıvali ótedi, dep habarlaıdy elorda ákimdiginiń resmı saıty.
Іs-shara amfıteatr men The St. Regis Astana qonaqúıiniń arasynda ornalasqan «Astananyń basty sport alańynda» ótedi.
Eki kúnde de sporttyq baǵdarlama saǵat 15:00-de bastalady.
Festıval aıasynda elorda turǵyndary men qonaqtary úshin kúshtik kóshe sporty túrlerinen týrnır uıymdastyrylady. Alańda gantelder, gırler, shtangalar, erkin salmaqtar, gımnastıkalyq saqınalar, arqan, armrestlıng ústeli jáne basqa da sporttyq qural-jabdyqtar usynylady.
Sonymen qatar qatysýshylar men kórermender úshin DJ qatysatyn mýzykalyq baǵdarlama ázirlengen.
Jarys jeńimpazdary medaldarmen, syılyqtarmen jáne sertıfıkattarmen marapattalady.
Týrnırge qatysý tegin, kórermender úshin kirý erkin.
Budan bólek, 19 qyrkúıek kúni saǵat 14:00-de «Taza Qazaqstan» aktsııasy aıasynda sportshylardyń qatysýymen sport alańynyń aınalasyna aǵash otyrǵyzý sharasy ótedi.
Buǵan deıin Astanada ústel tennısinen álem chempıonaty ótetinin jazǵanbyz.
