Astanada táýlik ishinde 250-den astam jol apaty boldy
ASTANA. KAZINFORM — Elordada bir táýlikte 250-den astam jol-kólik apaty boldy. Bul týraly qalalyq polıtsııa departamentiniń baspasóz qyzmeti habarlaıdy.
«Aýa raıynyń buzylýyna baılanysty (respýblıka aýmaǵynda burqasyn, qatty jel, boran, jańbyr jáne joldyń kórinisi) birqatar oblysta avtokólikterdiń qozǵalysyna shekteý qoıyldy. Sonymen qatar, kesheli beri elordada búkil qyzmetter kúsheıtilgen rejımde jumys istep jatyr. 8 aqpanda táýlik ishinde 250-den astam jol kólik apaty tirkeldi» delingen habarlamada.
Osy oraıda polıtsııa departamenti qolaısyz aýa raıynda jolǵa shyqpaýǵa shaqyrady.
«Qurmetti kólik júrgizýshileri, qolaısyz aýa raıyna baılanysty qala syrtyna shyqpaýyńyzdy suraımyz», — deıdi departamentten.
Keshe Astanada boranǵa baılanysty barlyq qyzmet túri kúsheıtilgen rejımge kóshkenin habarlaǵan edik.
Aıta ketsek, elordada qatty jel Sáken Seıfýllın ýnıversıteti ǵımaratynyń shatyryn julyp áketti.
