Astanada táýlik ishinde tumaýǵa baılanysty 12 bala aýrýhanaǵa tústi
ASTANA. QazAqparat - Astanada JRVI saldarynan qalalyq jedel medıtsınalyq járdemge 600 adam habarlasty. Bul týraly «QazAqparat» tilshisine qalalyq densaýlyq saqtaý basqarmasy habarlady.
«Qalalyq jedel medıtsınalyq járdem qyzmetine 03.01.2017 kúni 3372 adam habarlasty. Onyń 608-i - JRVI boıynsha. Olardyń ishinde 109-y - 1 jasqa deıingi balalar, 12 bala - aýrýhanaǵa jatqyzyldy. 18 jasqa deıin - 336, aýrýhanaǵa 15-i jatqyzyldy. Eresek azamattar - 163, aýrýhanaǵa - 11 adam jetkizildi», - delingen basqarmanyń baspasóz qyzmeti bergen habarlamasynda.
2 qańtarda qalalyq jedel medıtsınalyq járdemge habarlasqandar sany 3201 boldy. Olardyń ishinde JRVI-ge baılanysty - 665. 1 jasqa deıingi balalar - 126, aýrýhanaǵa 9 jetkizildi. 18 jasqa deıin - 369, aýrýhanaǵa 6 adam jatqyzyldy. Eresekter - 170, aýrýhanaǵa 14 adam jetkizildi.
«Astana qalasynyń densaýlyq saqtaý basqarmasy jedel medıtsınalyq járdem qyzmeti men qabyldaý bólimsheleriniń qaýyrt jumysyna túsinistikpen qaraýdy suraıdy jáne qala emhanalarynda kezekshi dárigerler 8:00-den 18:00-ge deıin jumys isteıtinin, jedel járdemdi shaqyrtý úshin keshki ýaqytty kútpeı, azamattarǵa turǵylyqty jerleri boıynsha habarlasýǵa bolatynyn eske salady», - deıdi basqarmadan.
Bunyń aldynda habarlanǵanyndaı, Astanada Jańa jyl aldynda halyq arasynda JRVI aýrýlary órshigen bolatyn.
