Astanada táýligine 160 «Tulpar-Talgo» vagondaryna tehnıkalyq qyzmet kórsetý beketi ashyldy

ASTANA. QazAqparat - «Qazaqstan temir joly» UK» AQ «Tulpar -Talgo» vagondaryna jóndeý jasaý jáne tehnıkalyq qyzmet kórsetý maqsatynda Astanada sońǵy úlgidegi tehnıkalyq qyzmet kórsetý ortalyǵyn (TQKO) ashyldy, dep habarlady kompanııanyń baspasóz qyzmetinen.

Tehnıkalyq qyzmet kórsetý ortalyǵynyń ashylý saltanatyna Ispanııa koroldiginiń Qazaqstandaǵy Tótenshe jáne ókiletti elshisi Manýel Larrotcha, «QTJ» UK» AQ vıtse-prezıdenti Ermek Qızatov, «Patentes Talgo» S. L. Dırektorlar keńesiniń tóraǵasy jáne Vıtse-prezıdenti Hose Marııa Orıol Fabra, «Patentes Talgo» S. L kompanııasynyń TMD elderi men Qazaqstandaǵy ókili Paskýal Dýarte Torres qatysty. - «QTJ» UK» AQ turǵyndardyń jolaýshylar tasymalyn uıymdastyrýdaǵy qyzmet sapasyn kóterý men damý talaptaryn oryndaı otyryp, óńirlerge júrdek jolaýshylar poıyzdaryn shyǵaryp otyr,- dedi «QTJ» UK» AQ vıtse-prezıdenti Ermek Qızatov. Búgingi tańda 7 júrdek poıyz baǵdary (Almaty - Petropavl, Astana - Aqtóbe, Almaty - Atyraý, Astana - Atyraý, Almaty - Aqtóbe, Almaty - Zaşıta jáne Astana - Zaşıta) ashyldy. «Búgin Qazaqstan men Ispanııa úshin dataly kún. Men «QTJ» UK» AQ-na tehnıkalyq qyzmet kórsetý ortalyǵyn ashqandyǵy úshin alǵys aıtamyn. Men bolashaqta tehnıkalyq ortalyqtyń poıyzdarǵa sapaly servıstik qyzmet kórsetetindigine senimdimin»,- dedi tehnıkalyq ortalyqtyń ashylý saltanatyna arnaıy shaqyrylǵan qonaq Paskýal Dýarte Torres. Astanadaǵy tehnıkalyq qyzmet kórsetý ortalyǵy sońǵy úlgidegi tehnıkamen jaraqtandyrylǵan. Jyljymaly quramǵa qyzmet kórsetetin ortalyq táýligine 160 vagonǵa tehnıkalyq qyzmet ete alady. Kásiporynnyń jalpy óndiristik alańynyń kólemi 8 myń sharshy metr. Onda úsh jol, onyń ekeýi estakadasy bar vagondardy jóndeý men qaraýǵa arnalǵan. Tehnıkalyq qyzmet kórsetý ortalyǵy sońǵy qural jabdyqtarmen qamtylǵan. Óndiristik korpýs janynda qyzmet kórsetýshi mekemelerdiń qyzmetkerlerine arnalǵan qyzmettik- tehnıkalyq beketi bar. Astanalyq ortalyqta Almaty - Astana, Astana - Aqtóbe, Astana - Atyraý, Astana - Zaşıta ı Astana - Qyzylorda baǵdaryna júretin poıyzdarǵa tehnıkalyq qyzmet kórsetý josparlanyp otyr. Taıaý bolashaqta «Tulpar-Talgo» vagondaryna tehnıkalyq qyzmet kórsetý oryndaryn Almaty, Aqtóbe stantsııalarynda ashý josparlanyp otyr.