Astanada Táýelsizdik dańǵylynyń ýchaskesi jóndeý jumysyna baılanysty jabylady
ASTANA. KAZINFORM — Táýelsizdik dańǵylynyń Kúıshi Dına kóshesinen B.Maılın kóshesine deıingi aralyǵyna ortasha jóndeý júrgizedi, dep habarlaıdy elorda ákimdigi.
Astana qalasynyń Kólik jáne jol-kólik ınfraqurylymyn damytý basqarmasy 19-20 mamyr aralyǵynda Táýelsizdik dańǵylynyń Kúıshi Dına kóshesinen B.Maılın kóshesine deıingi aralyǵyn ortasha jóndeýden ótkizedi.
Sonymen qatar 21 men 22 mamyr aralyǵynda B. Maılın kóshesinen B. Momyshuly dańǵylyna deıingi ýchaskede jol ishinara jabylatyn bolady. Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.
— Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady, — delingen habarlamada.
Osydan buryn Astanada prank jasaǵan blogerler qamaýǵa alynǵanyn jazǵanbyz.