Astanada Táýelsizdik merekesi qarsańynda qaýipsizdik sharalary kúsheıtildi
ASTANA. 8 jeltoqsan. QazAqparat - Astana qalasynyń polıtseıleri beısenbi kúni «Quqyqtyq tártip» shuǵyl aldyn-alý is-sharasyn ótkizýge kiristi.
Bul týraly elordalyq Іshki ister departamentiniń baspasóz qyzmetinen habarlady.
Shuǵyl aldyn-alý is-sharasynyń maqsaty - kósheler men qoǵamdyq oryndarda quqyqbuzýshylyqtardyń aldyn alý jáne jolyn kesý, Qazaqstan Táýelsizdiginiń 20 jyldyǵyn merekeleý qarsańynda quqyqtyq tártipti qamtamasyz etý.
Іs-shara ótkiziletin kúnderi Astana kóshelerinde polıtsııa qyzmetkerleriniń sany arttyrylatyn bolady.
Onymen qosa, esirtki zattaryn, qarýlardy, oq-dáriler men jarylǵysh zattardy sondaı-aq, Qazaqstan Respýblıkasyna kelý erejelerin buzatyn shet el azamattaryn anyqtaý maqsatynda «Rýbej» statsıonarly baqylaý beketterinde qalaǵa kiretin avtokólikter jiti tekseriletin bolady.
Sondaı-aq, qoǵamdyq tártip buzýshylyqty boldyrmaý, qylmystardyń aldyn alý, quqyqbuzýshylyqtarǵa jol beretin tulǵalardy anyqtaý maqsatynda elordalyq polıtsııa qyzmetkerleri qurylys nysandaryna, saıajaı alqaptaryna sondaı-aq, kóńil kóterý mekemelerine reıdter júrgizedi.
