Astanada Táýelsizdik qurdastarymen kezdesý ótti
Kezdesý Qazaqstan Respýblıkasy Táýelsizdiginiń 26 jyldyǵy qarsańynda Elbasynyń «Rýhanı jańǵyrý: Bolashaqqa baǵdar» baǵdarlamasyn oryndaý sheńberinde, jas býyn ózara oı almasýǵa bolatyndaı formatta uıymdastyrylǵan. Іs-shara barysynda Táýelsizdik qurdastarynyń elordanyń mereıli 20 jyldyǵyna oraı, «20 meıirimdi is» atty birlesken naýqannyń bastalǵany týraly úndeý oqyldy.
«Sizder elimizdiń memleket bolýǵa múmkindigi týǵan shaqta ómir esigin ashtyńyzdar. Sizder elimizdiń derbes el retinde aıaǵynan nyq turǵan kezeńde dúnıege keldińizder. Jas memleketpen birge jetildińizder. Ár óńirdi aralap júrip, bizdiń memleketti árdaıym sizderdeı jastarmen salystyramyn. 26 jastaǵy adam bilim alyp, eńbektenip, bolashaqqa maqsat qoıatyn jasqa keledi. 26 jastaǵy adamnyń maqsaty aıqyn bolady. Memleket sizderge úlken úmit artyp otyr. Sizderdiń úzdik startaptaryńyz men ıdeıalaryńyz Qazaqstandy jetekshi elderge aınaldyrady», - dedi Parlament Májilisiniń depýtaty Natalıa Jumadildaeva.
Jıynǵa kelgen Táýelsizdiktiń qurdastary «Nur Otan» partııasynyń qataryna qabyldanyp, partııa bıletine ıe boldy.
«Biz ózimizge qajetti dúnıeni tańdaı alamyz. Bizdiń ulttyq kodymyzda Táýelsizdik úshin kúres bar. Babalarymyzdan osynaý izgi qasıeti mura bolmaǵanda biz keń dalamyzdy saqtap qala almas edik. Men babadan Táýelsizdik murasyn qabyldap, urpaqqa ony qaldyra alamyn. Bizdiń árqaısymyz elimizdiń jarqyn bolashaǵyna zor úlesimizdi qosqymyz keledi», - deıdi halyqaralyq sarapshy, Táýelsizdiktiń qurdasy, Prezıdent Ákimshiliginde jumys atqaratyn Álkeı Marǵulan.
