Astanada táýelsizdik kúnine oraı 4 kún boıy azyq-túlik jármeńkesi ótedi

NUR-SULTAN. QazAqparat - Táýelsizdik kúnine oraı 14-17 jeltoqsan aralyǵynda Nur-Sultanda aýyl sharýashylyq ónimderiniń jármeńkesi ótedi, dep habarlaıdy QazAqparat qala ákimdiginiń resmı saıtyna silteme jasap.

Jármeńkede ońtústik aımaqtardan - jemis-kókónis, Qaraǵandy, Aqmola oblystarynan - sút ónimderi, sıyr, jylqy jáne qus eti, Shyǵys Qazaqstan oblysynan - balyq ónimderi jáne Pavlodar oblysynan - kartop óndirýshiler baǵasymen satylady.

Qysqy jármeńkeler «Uljan», «Kók bazar», «Shapaǵat» bazarlary, Saýran kóshesi, 7 meken-jaıynda jáne «Smoll», «Magným Cash jáne Carry» sýpermarketterinde ótedi.

Esterińizge salsaq, 2019 jyldyń 23 qarashasynan bastap qystyń sońyna deıin apta saıyn ár senbi jáne jeksenbi kúnderi Sh.Ýálıhanov jáne Aǵybaı batyr kósheleriniń qıylysyndaǵy «Zeıd» saýda úıinde, sondaı-aq Qoshqarbaev, 37 mekenjaıynda ornalasqan «Aspan Bazar» saýda ortalyǵynda aýylsharýashylyq jármeńkeleri ótip júr.