Astanada Táýelsizdik kúni qarsańynda memlekettik nagradalar tabystaldy
Astana qalasynyń ákimi Imanǵalı Tasmaǵambetov Memleket basshysynyń atynan marapattalǵan astanalyqtardy quttyqtap, nagradalar tabys etti.
«Elbasynyń Jarlyǵymen jyl saıyn Táýelsizdik qarsańynda memlekettik nagradalarymen marapattaý bolatynyn jaqsy bilesizder. Bıylǵy jyly osynaý bıik te mártebeli memlekettik marapatqa ózderińiz laıyq bolyp otyrsyzdar. Bul egemen elimiz ben eńseli elordamyzdy damytýǵa qosqan ózderińizdiń úlken úlesterińizdiń, eleýli eńbekterińizdiń laıyqty jemisi dep bilemin. Barlyǵyńyzdy osy bir úlken qýanyshtaryńyzben shyn júrekten quttyqtaımyn!»,-dedi saltanatty rásimde Imanǵalı Tasmaǵambetov.
Marapat - eline eren eńbegi sińgen mádenıet, ǵylym men bilim, densaýlyq saqtaý, óndiristik sala, bıznes pen el tynyshtyǵyn kúzetip júrgen áskerı qyzmetkerler syndy 50 astam kórnekti azamatqa berildi.
Tuǵyry bıik Táýelsizdik kúni qarsańynda mundaı marapatqa ıe bolyp, el aldyndaǵy eńbegi eskerilgen astanalyqtar Elbasyna, qala ákimine rıza ekendikterin jetkizdi, dep habarlaıdy astana.kz .
