Astanada «Táýelsiz Qazaqstan: eles sońy jáne jasampazdyq tarıhy» atty ǵylymı-tájirıbelik konferentsııa ótedi

dep habarlaıdy QazAqparat.

Konferentsııa Qazaqstannyń qazirgi zaman tarıhy boıynsha gýmanıtarlyq zertteýlerdegi memlekettilik tarıhy men teorııasy máselelerin, táýelsiz Qazaqstannyń tarıhyn zertteý jáne oqytý máselelerin taldaý sııaqty mańyzdy taqyryptardy qamtıdy.

Memleket tarıhy ınstıtýty uıymdastyratyn ǵylymı-tájirıbelik is-sharanyń negizgi maqsaty - táýelsiz Qazaqstannyń júrip ótken tarıhı kezeńderiniń ózekti máselelerin zaman talabyna saı obektıvti zertteý, tarıhı tanymdy qalyptastyrýdyń joldaryn anyqtaý.

Alqaly jıynǵa memleket qaıratkerleri, Qazaqstannyń kórnekti ǵalymdary, ǵylymı qyzmetkerler, joǵary oqý oryndarynyń oqytýshylary qatysady.

Shara barysynda «Qazaqstan tarıhy: oqýlyqtar ǵalymdar men pedagogtar kóqarasymen» atty dóńgelek ústel uıymdastyrylyp, qazirgi zamanǵy ulttyq tarıhnamanyń ózekti máseleleri boıynsha jetekshi mamandardyń sheberlik synyptary ótkizilmek.