Astanada Táttimbet Qazanǵapulynyń 210 jyldyǵyna oraı kesh ótedi

ASTANA. KAZINFORM – Astanada  Táttimbet Qazanǵapulynyń 210 jyldyǵyna oraı shertpe kúıdiń sheberi, QR Mádenıet salasynyń úzdigi  Qaırat Aıtbaevtyń «Saryjaılaý» atty mýzykalyq-poetıkalyq shyǵarmashylyq keshi ótedi. 

Oǵan arnaıy qonaq retinde shaqyrylǵan aqyn aqyn Tileýbek Batysuly,Tólegen Mıllat, dástúrli ánshi Serjan Musaıyn, ánshi Kúnsulý Túrikmen, kúıshi Murat Sultanbaı, Aıtolqyn Toqtaǵan, Venera Tabys, Aıdos Sanııazbekuly, Jaqanov Nurmuhanmet, jas talapker kúıshi, «Óz elim» Respýblıkalyq konkýrsynyń bas júldegeri Álıhan Moldabekuly sııaqty maıtalmandar óz ónerlerin ortaǵa salady.

Sondaı-aq keshte jas aqyndar jyr oqıdy.

Kesh júrgizýshisi – názik lırıkalyq jyrlarymen tanylǵan, jas býyn poezııasynyń jarqyn ókili, QR Jazýshylar odaǵynyń múshesi aqyn Umtyl Zaryqqan.

Qurmetti qonaqtar retinde Qazaqstannyń eńbek sińirgen qaıratkeri, dáýlesker kúıshi, mýzykatanýshy ǵalym Janǵalı Júzbaı, Qazaqstannyń eńbek sińirgen mádenıet qaıratkeri, «Qurmet», «Parasat» ordenderiniń ıegeri – Dúısen Qorabaıuly Qaseıinov qatysady.

- Bul kesh – kúı men jyrdyń, ulttyq óner men poezııanyń toǵysqan erekshe merekesi!, - deıdi uıymdastyrýshylar.

Mádenıe is-shara 16 qazan kúni Astanadaǵy Roza Baǵlanova atyndaǵy Qazaqkontsert zalynda saǵat 19:00-de bastalady.

Osyǵan deıin QR Ulttyq mýzeıde «Oǵyz dalalyq mádenıetiniń izderi» atty halyqaralyq kórme ótti.