Astanada tarıhshy jáne kósemsózshi Ámirjan Álpeıisovtiń shyǵarmashylyq keshi ótti

Á.Álpeıisovtiń shyǵarmashylyq keshine Astananyń shyǵarmashylyq jáne zııaly qaýym ókilderi, L.N.Gýmılev atyndaǵy EUÝ professor-oqytýshylar quramy, QR BǴM Memleket tarıhy ınstıtýtynyń qyzmetkerleri, Aqmola oblysy ІІD tyńdaýshylary, jazýshynyń jaqyndary men dostary shaqyryldy.

Shara aıasynda shaqyrylǵandarǵa «Jas tulpar» adamdarynyń izimen» derekti fılmi jáne jazýshy shyǵarmashylyǵy týraly fılm kórsetildi.

«Jas tulpar» tarıhy 1963 jyly Máskeýde bastaldy. Máskeýdegi, Lenıngradtaǵy jáne basqa da Reseı qalalaryndaǵy qazaq stýdentterin óz halqynyń bolashaǵyna qyzmet etý ulttyq ıdeıasy biriktirdi. Óz halqynyń táýelsizdigin ańsaǵan jas qazaq stýdentteri qozǵalysynyń bastaýynda Murat Áýezov, Altaı Qadyrjanov, Bolat Qısarov, Bolathan Taıjanov, Ánýar Sartbaev, Temirhan Bektibaev, Serik Báıkenov, Maqash Tátimov, Sábetqazy Aqataev, Marat Baltabaevtar turdy. Óz halqynyń táýelsizdigi ıdeıalarymen qanaǵattanǵan qazaq stýdentteri keńes ıdeologııasyna qarsy turdy, olarǵa qarsy qozǵalǵan qylmystyq is 20 jyldan keıin ǵana toqtatyldy.

Kelýshilerdiń nazaryna Á.Álpeıisovtiń «Jas tulpar dúbiri», «Azattyq ańsaǵan Saryarqa» kitaptary, áńgimeler jınaǵy, kóptegen jarııalanymdary usynyldy.

Á.Álpeıisov - jeti kitaptyń, tórt oqý quralynyń jáne 100-ge tarta ǵylymı jarııalanymdardyń avtory.

«Biz basty baılyǵymyz - osynaý jerimizdi saqtap qalǵan uly halyqtyń urpaǵymyz. Sondyqtan da biz ata-baba amanatyn qasterleýimiz qajet. Bizdiń babalarymyzdyń asqaq rýhy sonda ǵana bizge kúsh beredi. Meniń kitaptarymnyń basty maqsaty - qazirgi jastarǵa óziniń qazaq halqynyń táýelsizdigi ıdeıalarymen ómir súrgen jastar týraly aıtyp berý boldy», dedi Á.Álpeıisov.

Keshti uıymdastyrýshylardyń atap ótýinshe, avtordyń kitaptary nemis, polıak tilderine aýdarylǵan. Qazir Á.Álpeıisov tarıhı tulǵalar - generaldar Ǵubaıdolla Jáńgirov, Lavr Kornılov týraly kitaptar jazýmen aınalysýda.