Astanada Tarhan kóshesi 20 maýsymǵa deıin ishinara jabylady
ASTANA. QazAqparat – Astanada J.Tarhan kóshesinde jol jóndeý jumystary bastaldy, dep habarlaıdy QazAqparat.
«Astana qalasynyń Kólik jáne jol-kólik ınfraqurylymyn damytý baskarmasy jol qozǵalysy qaýipsizdigin qamtamasyz etý maqsatynda qalalyq Polıtsııa departamenti ákimshilik polıtsııa basqarmasymen kelise otyryp, J.Tarhan kóshesinde ortasha jóndeý jumysy bastalǵanyn málimdeıdi.
Osyǵan baılanysty 8-20 maýsym aralyǵynda A.Jubanov kóshesinen bastap, Asan Qaıǵy kóshesine deıingi ýchaskede kólik quraldary úshin qozǵalys ishinara jabylady.
Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet», - delingen qala ákimdiginiń resmı saıtynda.
