Astanada tanysynyń 20 mln teńgesin aldap alǵan kúdikti qolǵa tústi
ASTANA. QazAqparat - Astana qalasy ІІD «Esil» aýdany ІІB tergeý bólimi 27 jastaǵy Dáýren Pernebaevqa qatysty alaıaqtyq isi boıynsha sotqa deıingi tergeý jumystaryn júrgizip jatyr, dep habarlaıdy atalǵan vedomstvonyń baspasóz qyzmeti.
Ol tanysynyń senimin teris paıdalanyp, aldap, aqshalaı qarjy berýin surap, oǵan protsentpen qaıtarýǵa ýáde etken. Osylaısha ol alaıaqtyq jolmen qala turǵynynyń 20 mln teńge kólemdegi qarjysyn ıemdengen.
Atalmysh fakti boıynsha QR QK 190-baby «alaıaqtyq jasaý» boıynsha tergeý jumystary júrgizilip jatyr.
Dáýren Pernebaevtyń alaıaqtyq áreketinen zardap shekken azamattardyń myna nómirlerge habarlasýyn suraımyz: 8 (7172) 79-05-61, uıaly tel. 8-708-110-79-37 nemese 102.
