Astanada tanymal tis dárigeriniń fotokórmesi ashyldy
ASTANA. QazAqparat - Astanadaǵy Qazirgi zamanǵy óner murajaıynda Reseı fotosýretshiler odaǵynyń múshesi, tanymal tis dárigeri Genrıh Kýprııanovtyń «Sostoıanıe-7» fotokórmesiniń vernısajy ashyldy.
Kórmege elorda men Aqmola oblysynda túsirilgen jańa 39 týyndy qoıylǵan. Ekspozıtsııaǵa ár alýan peızajdar, portretter men natıýrmorttar engen.
Genrıh Kýprııanov 1939 jyly 22 qańtarda Chývashııa Avtonomdy Keńestik sotsıalıstik respýblıkasy Pervomaıskıı aýdanynda dúnıege kelgen. Chývashııa astanasy - Cheboksary qalasynda eńbek etken. 1964 jyly KSRO kommýnıstik partııasynyń shaqyrýymen Tselınograd qalasyna kelgen ol Densaýlyq úıinde 47 jyldan beri tis dárigeri bolyp qyzmet etedi.
Ár jyldary akvarelmen peızajdar salyp, tastar men fotoýretterge áýes bolǵan ol súıikti jumysy men fotosýretterdi ómirlik senimine aınaldyrǵan. Derekti jáne kórkem fotosýretterdiń qalalyq, oblystyq, respýblıkalyq, búkilodaqtyq jáne halyqaralyq kórmelerine qatysqan. Kýprııanovtyń árbir jańa kórmesi - kópqyrly ári onyń týǵan ólkesine degen zor súıispenshiligin bildiredi.
Aıta keteıik, Genrıh Kýprııanovtyń fotokórmesi murajaıda 19 aqpanǵa deıin jalǵasady.
