Astanada tanymal qazaqstandyq sýretshiniń jeke kórmesi ótýde
ASTANA. QazAqparat - Áskerı-tarıhı murajaıda respýblıkaǵa tanymal sýretshi-keskindemeshi, ǵalym, Qazaqstannyń sýretshiler odaǵynyń múshesi, tarıh ǵylymdarynyń kandıdaty, QR mádenıet qaıratkeri Qalıolla Ahmetjannyń jeke kórmesi ótýde, dep habarlaıdy QR Qorǵanys mınıstrliginiń baspasóz qyzmeti.
Qalıolla Ahmetjan - kóptegen respýblıkalyq jáne sheteldik kórmelerge qatysqan.
Sýretshiniń jumystary Qazaqstan, Grýzııa, Reseıdiń murajaılary qorlarynda saqtalýda. Kórmede qazaq halqynyń tarıhy, óneri, tynys-tirshiligi kórinis tapqan. Kartınalardan basqa qazaq halqy folklory men qarý-jaraq tarıhy boıynsha avtordyń ǵylymı jumystary usynylǵan.
Kórmeniń maqsaty Uly dalanyń baı mıfologııalyq jáne folklorlyq qundylyqtaryn nasıhattaý. Kórmeniń mán-maǵynasy Elbasynyń «Uly dalanyń jeti qyry» maqalasynda aıtylǵan ıdeıalarmen ushtasady.
Elordanyń turǵyndary men qonaqtary kórmeni kún saıyn saǵat 09.00-den 18.00-ge deıin Astana qalasy Respýblıka dańǵyly 2 mekenjaıynda ornalasqan Ulttyq áskerı-patrıottyq ortalyqtyń Áskerı-tarıhı murajaıynda tamashalaı alady.
