Astanada tanymal boksshylar jetim balalardy kınoǵa apardy

ASTANA. QazAqparat - Olımpıada chempıony Danııar Eleýsinov, Rıo Olımpıadasynyń kúmis júldegeri, Qazaqstan halqy chempıon ataǵan Vasılıı Levıt, Olımpıada oıyndarynyń eki dúrkin qola júldegeri Ivan Dychko men 2016 jylǵy Olımpıada oıyndarynyń qola medalin alǵan Darıǵa Shákimova elordada balalar úıinde ósip jatqan balalardy kınoǵa apardy, dep habarlaıdy QazAqparat.

Balalardy kınoteatr aldynda kútip alǵan dańqty boksshylar búldirshinderge tátti alyp berip, balalarǵa arnalǵan jańa fılmderdiń birin tamashalaýǵa kiristi. Kınodan keıin sportshylar «SOS balalar  aýylyna» baryp, búldirshindermen birge túski as ishedi. Keıin, keshkisin sportshylar Qajymuqan Muńaıtpasov atyndaǵy olımpıadalyq rezerv ınternatanyń oqýshylary úshin sheberlik saǵatyn ótkizedi.

«Meniń bir ulym bar, sondyqtan, balalardy qatty jaqsy kóremin. Árıne, balam kóp bolsyn deımin, bir Alla biledi»,-dedi jýrnalıstermen sóılesken Danııar Eleýsinov.

Aıta keteıik, bul ıgi istiń bastamashysy - «Aıala» atty qaıyrymdylyq qory.