Astanada «Tań Sholpan» balalar úıleriniń tárbıelenýshileri arasynda respýblıkalyq bı baıqaýy ótýde
Bul baıqaý 2006 jyly bastalyp, daryndy balalardy izdeýge, olardy óner álemine qatystyrýǵa, shyǵarmashylyq áleýetin damytýǵa septigin tıgizetin tamasha dástúrge aınaldy.
Baıqaýdyń negizgi maqsattary - jetim jáne ata-ana qamqorlyǵynsyz qalǵan balalarǵa arnalǵan uıymdarda tárbıelenip otyrǵan neǵurlym qabiletti jáne kásibı perspektıvaly balalardy anyqtaý, olardy qoldaý jáne kótermeleý, qalyń jurtshylyqtyń mundaı balalardyń shyǵarmashylyǵynyń damýy máselesine nazaryn aýdartý.
Baıqaýǵa qatysýshylar quramyna Qazaqstan Respýblıkasy mádenıetiniń eńbegi sińgen qaıratkerleri, tanymal bıshiler, Prezıdent mádenıet ortalyǵynyń, K.Baıseıitova atyndaǵy Ulttyq opera jáne balet teatrynyń ókilderi, halyqaralyq baıqaýlardyń kóp dúrkin júldegerleri men laýreattary kirgen ádil qazylar alqasynyń nazaryna úsh bı kompozıtsııasyn usynady.
«Tań Sholpan» baıqaýyna qatysý balalarǵa ózderiniń qabiletterin sezinýge múmkindik berip, olardy óz talanttaryn odan ári jetildirýge jáne belsendi shyǵarmashylyq qyzmetke kózdetedi.
Baıqaý jeńimpazdaryn dıplomdar men baǵaly syılyqtar kútýde.
