Astanada «Tamiz Invest Group» kompanııasynyń qurylys nysandary problemaly dep tanyldy - Astana ákimdigi
ASTANA. Qazannyń 6-sy. QazAqparat /Gúlnár Jandaǵulova/ - Astanada «Tamiz Invest Group» kompanııasynyń qurylys nysandary problemaly dep tanyldy.
Endi úleskerler kelisimsharttaryn qaıta tirketýleri kerek, dep habarlady Astana ákimdiginiń baspasóz qyzmetinen.
«Qyrkúıektiń 24-inde Astana ákimdiginiń janyndaǵy úlestik qurylys máseleleri jónindegi vedomstvoaralyq komıssııanyń májilisi boldy, onda «Tamiz Invest Group» kompanııasynyń úlestik qurylys nysandaryn problemaly dep taný týraly sheshim qabyldandy», delingen sársenbi kúni taratylǵan aqparatta.
Problemaly nysandardyń qataryna «Altyn Raıd», «Terrıtorııa komforta-1», «Terrıtorııa komforta-2», «Orbıta» jáne «Magıstralnyı» turǵyn úı keshenderi kirip otyr.
