Astanada "Tamasha adamdar ómiri" serııasymen jaryqqa shyqqan "Shákárim" atty kitaptyń tusaýkeseri ótti

Qazaqstannyń altyn qoryna engizilgen dúnıeniń avtory - L.N.Gýmılev atyndaǵy Eýrazııa ulttyq ýnıversıtetiniń rektory, tarıh ǵylymdarynyń doktory, professor Erlan Sydyqov. Aıta keteıik, "Tamasha adamdar ómiri" serııasyna tek birdi-ekili ǵana qazaqtyń Qanysh Sátbaev, Sáken Seıfýllın, Ermuhan Bekmahanov syndy zııaly top ókilderiniń ǵumyrnamalary engen. Kitapta Shákárimniń tarıhı, pýblıtsıstıkalyq, fılosofııalyq ǵylymı eńbekteri azamattyq pozıtsııada, ǵylymı kózqaraspen saraptalyp, zerdelendi.

"Jabaıhan Ábdildın bastaǵan Memlekettik komıssııa 1988 jyly Shákárimniń naqty, sońǵy aqtalýyna úlken eńbek sińirdi. Sol 10-15 jylda biraz eńbekter jasaǵan edik. Sonyń bir qorytyndysy, Shákárimdi Máskeýdegi "Molodaıa gvardııa" baspasyndaǵy "Tamasha adamdar ómiri" serııasymen shyǵarý armanymyz edi. Óıtkeni 10-15 jylda Shákárimdi bir qazaqqa jetkilikti dárejede zerttedik te, jetkizdik te, júreginen oryn alyp berdik te. Al endi oryssha oqıtyn qazaqtar bar jáne orys aýdıtorııasy bar, olar nege túsinbeske degen oı jeteledi", - deıdi avtor Erlan Sydyqov.

Onyń aıtýynsha, kitap 5 myń dana taralymmen shyǵyp otyr.

Sonymen qatar búgin, tusaýkeser rásimi barysynda sońǵy oqý jylynda EUÝ-niń ǵalymdary men oqytýshylary jazǵan kitaptar arnaıy uıymdastyrylǵan kórmede oqyrman nazaryna usynyldy. Onda byltyrǵy jyly shyqqan 70-ke tarta eńbek qoıylǵan. Olardyń arasynda taǵy bir atalyp ótken kitap - "Gýmılev tulǵaly entsıklopedııasy". Lev Gýmılevtiń 100 jyldyǵy mereıtoıyna arnalǵan entsıklopedııaǵa 3,7 myńdaı maqala kirgizilgen.