Astanada Taldykól mańynda qurǵaq shóp órtenip jatyr

ASTANA. QazAqparat - Elordada Taldykól kóliniń mańynda qurǵaq shóp otqa orandy, órtti joıý jumystary júrgizilip jatyr.

«2016 jyly 20 maýsymda saǵat  14:28-de «101» nomerine Taldykól kóliniń mańynda qurǵaq shóp pen qamys otqa oranǵany jaıly habar tústi.  Qazir ot 4000 sharshy m. aýmaqty sharpydy. Otty aýyzdyqtaýǵa 5 tehnıka jáne 24 órt sóndirýshi, «Astana Ormany» JShS-nyń 7 sý quıý kóligi, 5 KamAZ, 5 traktor tartyldy. Oqıǵa ornynda órt sóndirý shtaby quryldy. Órt sóndirý tobynyń basshysy - Astana q. TJD órt sóndirý qyzmetiniń basshysy azamattyq qorǵanys polkovnıgi M.Amanbaev. Otty joıý boıynsha jumystar jalǵasyp jatyr», - dep habarlady Astana q. TJD baspasóz qyzmetinen.