Astanada talapkerlerdiń 71,8 paıyzy keshendi testileýdi tapsyra almady
ASTANA. 25 shilde. QazAqparat - Keshendi testileýdiń nátıjesi boıynsha elordalyq 1475 talapker nemese olardyń jalpy sanynyń 28,14% mejelik ótý deńgeıin eńserse,
3766 talapker nemese 71,86% emtıhandy tapsyra almaǵan. Bul týraly astana.kz saıtyna Ulttyq testileý ortalyǵynan habarlady.
Málimetterge qaraǵanda, testileýge 5241 talapker qatysty. Onyń ishinde qazaq tilinde - 2819, orys tilinde - 2422 test tapsyrylǵan
Aıta keteıik, 2012 jyly keshendi testileýge 4543 talapker qatysqan. Sonyń ishinde 1274 (28,04%) talapker synaqtan ótse, 3269 (71,96%) synaqty tapsyra almaǵan.
Bıyl elordada keshendi testileý 19 - 22 shildede ótip, oǵan 5241 túlek qatysty. Testileý Astana qalasy boıynsha 2 joǵary oqý ornynyń bazasynda ótti. Atap aıtqanda,1986 túlek L.Gýmılev atyndaǵy Eýrazııa Ulttyq ýnıversıtetinde jáne 3255 túlek S.Seıfýllın atyndaǵy Qazaq agrotehnıkalyq ýnıversıtetinde testileýden ótken.
Testileýge qatysqandardyń ishinde jalpy bilim berý mektepterin bitirýshiler - 669, tehnıkalyq nemese kásiptik bilim uıymdaryn bitirýshiler (11-synyp) - 1079, tehnıkalyq nemese kásiptik bilim uıymdaryn bitirýshiler (9-synyp) - 3506 adamdy qurap otyr.
