Astanada talapkerlerdi keshendi testileýden 5339 adam ótedi
ASTANA. 18 shilde. QazAqparat - Qazaqstanda 19-ynan 22 shildege deıin talapkerlerdi keshendi testileý ótkiziledi. Ol 35 testileý bazasynda (JOO bazasynda) ótetin bolady. Bıylǵy jyly ýnıversıtetter bazasyndaǵy keshendi testileýge Astanada 5339 túlek qatyspaq. Bul týraly astana.kz saıtyna Astana qalasynyń Ulttyq testileý ortalyǵynan málim etti.
«L.N.Gýmılev atyndaǵy Eýrazııa ulttyq ýnıversıtetinde 2014 túlek, S.Seıfýllın atyndaǵy Qazaq agrotehnıkalyq ýnıversıtetinde 3325 túlek emtıhan tapsyrady»,-dep habarlaıdy ortalyqtan.
Onyń ishinde mektep túlekteriniń ótinishteri - 656, jalpy orta bilim alyp (11-synyp) oqýǵa túsken tehnıkalyq jáne kásibı bilim mekemeleri túlekteriniń ótinishteri - 1114, negizgi orta bilim alyp (9-synyp) oqýǵa túsken tehnıkalyq jáne kásibı bilim mekemeleri túlekteriniń ótinishteri - 3569.
Keshendi testileýge jalpy orta bilim berý uıymdarynyń ótken jylǵy túlekteri, tehnıkalyq jáne kásibı bilim berý uıymdarynyń túlekteri, UBT-ǵa qatyspaǵan mektep túlekteri, halyqaralyq almasý oqytý júıesi boıynsha shetelde oqyǵandar, oqytylýy qazaq jáne orys tilderinde júrgizilmeıtin mektep túlekteri, respýblıkalyq mýzykalyq mektep-ınternattarynyń túlekteri, sonymen birge, shetel oqý oryndaryn bitirgender qatysady.
Keshendi testileý talapkerdiń qalaýymen qazaq nemese orys tilinde orta bilim berýdiń oqý baǵdarlamasy kóleminde 4 pán boıynsha: memlekettik nemese orys tili, Qazaqstan tarıhy, matematıka jáne tańdaý páni boıynsha ótedi.
