Astanada talantty jastar festıvali bastaldy
ASTANA. QazAqparat - Elordanyń 20 jyldyǵyna arnalǵan jastar arasyndaǵy «Jańa beles» festıval-baıqaýy bastaldy, dep habarlaıdy QazAqparat tilshisi.
Baıqaý arnaıy orta bilim beretin oqý oryndary stýdentteriniń arasynda daryndy jastardy anyqtap, qoldaýǵa baǵyttalǵan.
Jastar festıval-baıqaýy 8 kúnge jalǵsady. Festıvaldiń saltanatty ashylýyna Beıbit Qushqalıev, Ákimhan Məjenov, bı ónerinen álem jáne Eýropa chempıondary «Bomond» ansambli jáne basqa da estrada juldyzdary qatysty.
"Sharanyń basty maqsaty - aty aıtyp turǵandaı jastardy jańa belesterge jetýge múmkindik berý, jeteleý. Festıvalde óz ónerlerin kórsetip qana qoımaı, jastardyń bir-birimen tanysý, zamandastarymen ıdeıa almasý múmkindigi qarastyrylǵan. Taǵy bir ereksheligi, bul tek kolledj stýdentteriniń arasynda ótýde. Bir apta boıy 35 kolledjdiń stýdentteri 5 baǵyt boıynsha óz ónerlerin ortaǵa salady. Budan bólek bizde A-35 jobasy bar, onyń aıasynda 35 kolledj stýdentterine arnalǵan túrli baǵyttaǵy sharalar uıymdastyrylady",- dedi Astana jastary MM uıymdastyrý bóliminiń basshysy Aıan Ermentaev.
10 qarashaǵa deıin bolatyn festıval: «Mánerlep oqý», «Vokal óneri», «Bı óneri», «Eń aqyldy», "Fotobaıqaý" syndy nomınatsııalar boıynsha ótýde.
