Astanada talantty balalar arasynda «Juldyz» án baıqaýy ótti
ASTANA. 23 qarasha. QazAqparat /Jasulan Amanbaıuly/ - Búgin Astanadaǵy «Renessans» bı stýdııasynyń kontsert zalynda talantty balalar arasynda «Juldyz» án baıqaýy boldy.
Shara QR Mádenıet mınıstrligi men «Bıik samǵaý» qoǵamdyq qory muryndyq bolýymen ótip jatyr.
Uıymdastyrýshylardyń aıtýynsha, baıqaýdyń maqsaty talantty jas urpaqtyń arasynan keler kúnniń jaryq juldyzdaryn tabý, jastardy ónerge beıimdep, olardyń rýhanı mádenıetin baıytý.
Sharaǵa QR Mádenıet qyzmetkeri, «Ulan» prezıdenttik orkestriniń ánshisi Elmıra Jańabergenova, ánshi Marjan Arapbaeva, «Shabyt» respýblıkalyq festıvaliniń jeńimpazy, ánshi Álıhan Dúısenbaı, dıktor, prodıýser Ómirbek Qurmash, Almaty qalasynyń memlekettik fılarmonııasynyń «Shalqyma» halyq bı ansambliniń baletmeısteri, ári ustazy Záýre Úmbetqulova syndy óner adamdary qazylyq jasady.
Baıqaý jeńimpazdary uıymdastyrýshylardyń baǵaly syılyqtary men dıplomdaryna ıe boldy.
