Astanada taksılerdiń nómiri biryńǵaı túske aýystyrylady
ASTANA. QazAqparat - Astanada taksılerdiń nómiri biryńǵaı túske aýysady, dep habarlaıdy QazAqparat ákimdiktiń medıa ortalyǵyna silteme jasap.
Kelesi jyldan bastap qaladaǵy taksılerdiń memlekettik nómirlerine biryńǵaı tús qoldanylady.
«2018 jyly taksılerdiń memlekettik nómirlerine biryńǵaı túster gammasyn qoldaný bóliginde ózgertýler men tolyqtyrýlar engizýdi josparlap otyr.
Álemdik tájirıbe boıynsha, damyǵan elderde jolaýshy men bagaj tasymaldaıtyn taksılerdiń memlekettik nómirleri biryńǵaı túspen boıalady. Osyndaı ózgeris jolaýshylar men qadaǵalaý organdaryna zańsyz tasymaldaýshylar arasynan resmı taksılerdi ajyratýǵa múmkindik beredi», - delingen basqarma taratqan habarlamada.
Sonymen birge, aldaǵy ýaqytta qaladaǵy taksı kólikteri gazǵa kóshiriledi.
Búgingi kúni 150 kólikke gazbalondyq qural ornatyldy. 2018 jyly shamamen 500 taksı avtomobılderin gazǵa aýystyrý josparlanýda.
