Astanada taksı júrgizýshisine shabýyl jasaldy

ASTANA. QazAqparat-Taksı júrgizýshisi jetkizip tastaǵan jastar jol aqysyn tóleýden bas tartqan, dep habarlaıdy QazAqparat tilshisi.

Astanada taksı júrgizýshisi bolyp jumys isteıtin er adam eki adamdy kórsetken mekenjaıǵa jetkizgen, biraq olar jol aqysyn tóleýden bas tartyp, júrgizýshige shabýyl jasaǵan.

Oqıǵa kórsetilgen vıdeo áleýmettik jelide tarady. Onda jas jigittiń beline deıin sheshinip, vıdeoǵa túsirip jatqan taksı júrgizýshisin qorqytqany kórsetilgen.

«Men taksı júrgizýshisimin. Atalǵan eki adamdy kórsetken mekenjaıǵa apardym, olar maǵan taksı aqysyn tóleýden bas tartty. Ary qaraı janjal bastalyp, kútpegen jerden maǵan judyryq jumsady. Men ózimdi qorǵaý úshin kúresýge týra keldi. Jas jigit tas alyp, meni qorqytty da, jaǵalaýǵa qaraı qashyp ketti. Ekeýi de mas bolǵan», - delingen er adamnyń Instagram paraqshasynda.

Polıtsııa departamenti oqıǵaǵa qatysy bar adamdardy izdestirip jatqanyn aıtty.

«Osy fakti boıynsha Saryarqa aýdanynyń polıtsııa bólimi oqıǵaǵa qatysýshylardy anyqtaý maqsatynda izdestirý jumystaryn júrgizip jatyr. Atalǵan tulǵalardyń áreketine quqyqtyq baǵa berilip, qoldanystaǵy zańnamaǵa sáıkes sharalar qoldanylatyn bolady. Qoǵamdyq tártipti buzý faktisi boıynsha polıtsııaǵa shaǵym túsken joq», - dep túsindirdi elordalyq polıtsııa departamenti.