Astanada taksı júrgizýshisi sheteldikti áýejaıdan qonaqúıge 40 myń teńgege jetkizgen
ASTANA. QazAqparat - Astanada taksı júrgizýshisi shetel azamatyn áýejaıdan qonaqúıge deıin 40 myń teńgege jetkizip salǵan, dep habarlaıdy «QazAqparat» HAA tilshisi Astana qalalyq ІІD baspasóz qyzmetine silteme jasap.
«6 maýsym kúni saǵat 14.00-de Astana polıtsııasyna Vengrııa azamaty belgisiz taksı júrgizýshisiniń aldaý jolymen 40 myń teńge somasynda aqsha ıemdengeni týraly shaǵym túsirgen», - delingen polıtsııanyń habarlamasynda. Polıtseıler izin sýytpaı 33 jastaǵy taksı júrgizýshisin ustady. Ol ońaı oljaǵa kenelmekshi bolyp, sheteldikti áýejaıdan Jeltoqsan kóshesinde ornalasqan qonaqúıge deıin jetkizgeni úshin óte qymbat jolaqy alǵan. Taksı júrgizýshisiniń tirkeýden ótkendigin jáne jeke júk tasýy úshin ruqsaty bary anyqtaldy, dedi Astana qalalyq ІІD.
Bul fakti sotqa deıingi tergeýdiń biregeı tiziliminde «alaıaqtyq» baby boıynsha tirkeldi. Tergeý jumystary júrip jatyr.
