Astanada taǵy eki kóshe jóndeý jumysyna baılanysty jabylady
ASTANA. QazAqparat – Elordalyq Kólik jáne jol-kólik ınfraqurylymyn damytý basqarmasy jol qozǵalysy qaýipsizdigin qamtamasyz etý maqsatynda qalalyq PD ákimshilik polıtsııa basqarmasymen kelise otyryp, Egemen Qazaqstan jáne Ǵabdýllın kóshelerinde ortasha jóndeý jumysyn bastady, dep habarlaıdy QazAqparat Astana ákimdiginiń resmı saıtyna silteme jasap.
Osyǵan baılanysty 16-28 maýsym kúnderi aralyǵynda Egemen Qazaqstan kóshesiniń Kenesary kóshesinen Abaı dańǵylyna deıingi ýchaskesinde kólik qozǵalysy ishinara jabylatyn bolady.
Sonymen qatar, 17-21 maýsym aralyǵynda Ǵabdýllın kóshesiniń A.Imanov kóshesinen Rechnyı tuıyǵyna deıingi aralyǵy kólik qozǵalysy úshin ishinara jabyldy.
Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet.
