Astanada taǵy eki avtojolda jóndeý jumystary bastaldy
ASTANA. QazAqparat – Astanada eki kóshe jol jóndeý jumystaryna jabyldy, dep habarlaıdy QazAqparat qala ákimdigine silteme jasap.
Elordalyq Kólik jáne jol-kólik ınfraqurylymyn damytý basqarmasy Astana –Qaraǵandy tasjoly men Qobda tuıyq kóshesiniń qıylysynda, sol sııaqty Aıtmatov kóshesi men Qorǵaljyn tasjolynyń qıylysynda jóndeý jumystaryn júrgizip jatyr.
Atap aıtqanda, Aıtmatov kóshesi men Qorǵaljyn tasjolynyń qıylysynda oń jaq túsý jolynyń tósemine ortasha jóndeý júrgizilýde. Osyǵan baılanysty 7 maýsymda Aıtmatov kóshesinen Ilınka eldi mekeni baǵytyndaǵy oń jaq túsý joly tolyǵymen jabyldy.
Sondaı-aq jol tósemine jóndeý Astana – Qaraǵandy trassasy men Qobda tuıyq kóshesiniń qıylysynda bastaldy. Munda kólik qozǵalysyna 7-9 maýsym aralyǵynda ishinara tyıym salynady.
Elorda turǵyndary men qonaqtary qala joldarynda keptelis týdyrmaý úshin qozǵalys baǵytyn aldyn ala josparlaýy qajet.
