Astanada taǵy bir jańa qurylys otqa orandy
ASTANA. 14 qazan. QazAqparat - Búgin Astanada taǵy bir jańa qurylysta órt shyqty. Paıdalanýǵa berilgen turǵyn úı kesheninde tańerteń órt burq ete qaldy - sanaýly mınýttardyń ishinde janyn on alty qabatty úıdi orap aldy. Tótenshe jaǵdaıdyń aýqymy qalanyń ár buryshynan anyq kórindi, dep habarlady KTK telearnasy.
Alǵashqy órt sóndirý komandasy shaqyrýdan keıin úsh mınýtta kelip úlgerdi. Al shamaly ýaqyttan keıin otty sóndirýge on tórt mashınanyń kómegimen elýden astam adam jumyldyryldy. Jalyn tórt júz sharshy metr aýmaqty qamtydy - ǵımarattyń syrtqy jabyny men onyń ishindegi jylytý materıaldary jandy. Aldyn ala málimetter boıynsha, oqıǵa dánekerleýshilerdiń abaısyzdyǵynan bolǵan. Órt jarty saǵattyń ishinde aýyzdyqtaldy. Jaqynda ǵana qutqarýshylar osy ǵımaratta jattyǵý ótkizgen bolatyn jáne oǵan jańa tikushaq ta tartylǵan edi.
