Astanada taǵy bir jańa bazar salynady
ASTANA. QazAqparat - Astananyń Baıqońyr aýdanynda jańa ámbebap bazar salynady, dep habarlaıdy QazAqparat Astana ákimdigine silteme jasap.
Jalpy aýmaǵy 62 myń sharshy metrdi quraıtyn «DOSTYQ Market» Astananyń saýda-ónerkásiptik bóligine aınalǵan Alash tas joly mańynda turǵyzylady.
«Baıqońyr aýdanynyń ákimdiginde ınvestorlar men memlekettik organdardyń ókilderi kezdesý ótkizdi. Kezdesý aıasynda saýda bazarlarynyń qyzmetin uıymdastyrý máselesi talqylanyp, Baıqońyr aýdany ákimdiginiń apparaty men «Ganador Group» JShS kelisim bekitti. «Ganador Group» JShS jańa ámbebap bazardy turǵyzady», - delingen Astana ákimdigi jarııalaǵan resmı habarda.
Jańa bazarda azyq-túlik jáne suranysqa ıe ózge de taýarlar saýdalanady dep josparlanyp otyr. Bul maqsatta nysan saýda, ákimshilik-turmystyq, qoıma ǵımarattarymen jáne qoǵamdyq tamaqtaný núktelerimen jabdyqtalady.
