Astanada taǵy bir trassa jabylyp, qala mańyna júretin 2 avtobýs toqtady
ASTANA. QazAqparat – Astanada aýa raıynyń nasharlaýynan qala mańyna qatynaıtyn taǵy eki avtobýstyń qozǵalysy toqtatylyp, trassa jabyldy, dep habarlaıd QazAqparat.
«Saǵat 11:00-de № 308, 309 qalamańy baǵdarlarynyń qozǵalysy ýaqytsha toqtatyldy», delingen City Transportation Systems kompanııasynyń málimetinde.
Sondaı-aq qaladan shyǵatyn taǵy bir trassa jabyldy.
«Saǵat 10.30-da kóktaıǵaqqa baılanysty respýblıkalyq mańyzy bar «Astana qalasy – Qabanbaı batyr kenti – Kıevka – Temirtaý (37 -51 km) avtojolynyń «Qaban batyr kenti – Qaraǵandy oblysynyń shekarasy» jol ýchaskesi barlyq kólik túrleri úshin jabyldy», - delingen delingen 109 IKomek qyzmetiniń habarlamasynda.
Eske salaıyq, búgin tańerteń jolaýshylardy qala mańyna tasymaldaıtyn № 315 jáne 310 avtobýstar jeliden ýaqytsha alynǵan bolatyn.
Sondaı-aq búgin saǵat 08.00-de jeldiń kúsheıýi, boran jáne joldyń durys kórinbeýi saldarynan «Ekaterınbýrg - Almaty» avtojolynyń (1003 – 1247 km aralyǵy) «Astana qalasy – Atbasar qalasy» ýchaskesi kóliktiń barlyq túrleri úshin jabyldy.
Sınoptıkter 3 qańtarda 13 óńirde aýa raıy buzylatyny jóninde eskertý jarııalaǵan bolatyn.
