Astanada taǵy bir qurylys salýshy kompanııa úleskerlerdi aldady degen kúdikke ilindi
ASTANA. QazAqparat - Astana Memlekettik kiris departamenti ekonomıkalyq tergeý qyzmeti bıýdjettik qarajat jáne úlestik qurylys qatysýshylarynyń salymdaryn urlaý faktisi boıynsha «Kakadý» JShS dırektory M. T. Álimbetovke qatysty qylmystyq isti sotqa jiberdi, dep habarlandy vedomstvonyń Feısbýktegi resmı paraqshasynda.
295 adam kassaǵa aqshalaı úles salǵan. Jalpy somasy 1,9 mlrd. teńge Kenesary-Brýsılovskıı kósheleriniń qıylysynda ornalasqan «Qypshaq» turǵyn úı keshenin salýǵa baǵyttalǵan. Úleskerlerdiń aqshasyn alǵan Álimbetov aqsha jetpeıdi degen jeleýmen qurylysty toqtatyp qoıǵan.
Ári, qurylys-ekonomıkalyq saraptama nátıjesi boıynsha oryndalǵan jumystyń naqty quny 661 mln teńgeni quraıdy, qatysýshylardan alǵan úlestik qurylys pen Álimbetov qurylysqa jumsaǵan qarajat arasyndaǵy aıyrym - 397,0 mln teńge.
Osylaısha, ol úleskerlerge 394 mln. teńge shyǵyn ákelgen.
Budan basqa, Álimbetov Astana q. Qurylys departamentimen 1,3 mlrd teńgege osy turǵyn úı qurylysyn aıaqtaý jóninde shart jasasqan. Ol aqshanyń kóp bóligin maqsatqa saı jumsamaǵan.
Memleketke 434,5 mln teńge shyǵyn ákeldi.
Qazir oǵan qatysty QR QK 176-baby 3-bóligi «b» tarmaǵy boıynsha qylmystyq is sotqa jiberildi, kúdikti qamaýda.
