Astanada taǵy bir er adam joǵalyp ketti
ASTANA. QazAqparat - Astanada joǵalyp ketken eki er azamatty izdestirý sharalary jalǵasyp jatyr, dep habarlaıdy «QazAqparat» HAA tilshisi.
Іz-túzsiz joǵalyp ketken 52 jastaǵy Dýlat Qydyralındi týystary izdestirip jatqanyna onynshy kún boldy. 25 jeltoqsannan beri eshqandaı habar-oshar joq. Ony sońǵy ret «Sedmoı kontınent» turǵyn úı kesheniniń janyndaǵy «Elimaı» dámhanasynan kórgen.
Odan bólek 27 jeltoqsan kúni 29 jastaǵy Nıkolaı Enshın joǵalyp ketti. Ol «Esil kóshesi, 13» mekenjaıyndaǵy keńseden jumystan shyǵyp, kóligin qyzydyryp turǵan. Uıaly telefony mashınasynyń ishinde qalypty. Sodan beri ony da eshkim kórmegen.
Qazir joǵalǵandardy izdestirý jumystaryna tártip saqshylary jumyldyryldy. Astana ІІD baspasóz qyzmetiniń habarlaýynsha, polıtseılermen qatar izdeý jumystaryna QR ІІM Ulttyq ulanynyń áskerı qyzmetkerleri de tartylǵan.
Ázirge izdestirý sharalary eshqandaı nátıje bergen joq.
