Astanada taǵy bir bala terezeden qulaýdan qutqaryldy
ASTANA. QazAqparat - Astanada qutqarýshylar taǵy bir balanyń terezeden qulaýdan qutqaryp qaldy, dep habarlaıdy qalalyq TJD .
Ótken demalys kúnderi qutqarýshylar kezekti ret kishkentaı balanyń terezeden qulap qalýynyń aldyn aldy. Bul oqıǵa Qaırat Rysqulbekov kóshesi boıyndaǵy turǵyn úılerdiń birinde boldy. Qutqarýshylardyń kelip jetken kezde bala ekinshi qabattaǵy ashyq qalǵan terezesiniń aldynda turdy. Balanyń qulap ketýin eskere otyryp, qutqarýshylar soqqynyń jeńil bolýy úshin jerde kórpeni sozyp ustap turdy. Alaıda, ondaı jaǵdaı bolmady, qutqarýshylardyń biri saty arqyly páterge kirip, balany tynyshtandyrdy. Keıin kishkentaı qyz balanyń ata-anasynyń qaraýynsyz qalǵany belgili boldy.
Aıta keterligi, astanalyq qutqarýshylar sońǵy kezderi jıilep ketken terezeden balalardyń qulap ketýine qarsy kúresýde. Oqıǵa kezinde balalar terezeniń aldyna óz betimen nemese tireýish retinde ár túrli zatty qoıyp shyqqan. Barlyq balalar ata-ananyń qaraýynsyz qalaǵan.
Mysaly, 3 tamyzda Respýblıka dańǵyly 43A mekenjaıynda baıqaýsyzda bala 5 qabattyń terezesinen qulap, aýrýhanaǵa jatqyzyldy. Sondaı-aq 6 tamyzda 187 kóshe 14/4 úı mekenjaıynda bes qabatty úıdiń 4 qabatynan ata-anasynyń qaraýynsyz qalǵan bala qulap, aýrýhanaǵa jetkizildi.
