Astanada taǵy bes ekspress avtobýs júretin boldy
ASTANA. QazAqparat - Elordada 29 tamyzdan bastap taǵy bes ekspress jolaýshylar tasymalyna kirisedi. Bul týraly búgin Astanada ótken brıfıng barysynda «Astana LRT» JShS baspasóz hatshysy Aıgúl Jamalova málim etti.
«2015 jyldyń 29 tamyzynan bastap Astana qalasynda taǵy bes ekspress avtobýs jolaýshylar tasymalyna kirisedi. Bul bastamany Astana qalasy jolaýshylar kóligi jáne avtomobıl joldary basqarmasy men «Astana LRT» JShS birge qolǵa aldy. Basty maqsatymyz - turǵyndary kóp aýdandardaǵy qoǵamdyq kólik qozǵalysynyń sapasyn jaqsartý»,-dep atap ótti ol.
Sonymen, 29 tamyzdan bastap elordada №100,101,102,103,104 avtobýstar jolǵa shyǵady.
«Sonyń ishinde, №100 marshrýty Astana halyqaralyq áýejaıy men temirjol vokzalyn jalǵastyrady. 7 aıaldamaǵa ǵana toqtaıtyn avtobýs qalanyń eki shetin shamamen 43 mınýtta júrip ótedi. №101 marshrýt aýdanaralyq emhana men Jaǵalaý turǵyn úı alabyn baılanystyrady. №100 jáne №101 marshrýtta 10 avtobýs júredi. №102 marshrýt Kóktal-2 shaǵynaýdany men klınıkalyq ońaltý keshenin baılanystyrady. №103 marshrýt «Sharyn» bazary men Qaraótkel-2 turǵyn úı alaby arasynda júredi. Al, №104 marshrýt «Kóktal-1» aıaldamasy men «Saraıshyq» turǵyn úı kesheni arasynda júredi»,dep túsindirdi ol.
Alaıda, endi ekspress avtobýstardaǵy jol aqysy burynǵydaı 120 teńge emes, 150 teńge bolady.
