Astanada taǵy 3 kóshede «BUS LANE» jolaǵy iske qosylady
ASTANA. QazAqparat - 2015 jyldyń 3 qyrkúıeginen Astanada qalalyq qoǵamdyq kóliktiń qatynaýyna arnalǵan qosymsha 3 «BUS LANE» belgilengen jolaq paıdalanyla bastaıdy.
Búginde Astana qalasy ІІD Ákimshilik polıtsııa basqarmasy, «Astana LRT» JShS «SMEÝ-Almaty, Astana» JShS merdiger kompanııasymen birlesip QR jolda júrý erejeleriniń talaptaryna sáıkes joldaǵy belgilerdi, aqparattyq panno ornatý boıynsha jumystar bastaldy.
Qosymsha belgilengen jolaqtar Kravtsov kóshesinde Pýshkın kóshesinen Tah Hýseın kóshesine deıin, Muńaıtpasov kóshesinde Táýelsizdik kóshesinen Abylaıhan kóshesine deıin jáne Syǵanaq kóshesinde Beısekova kóshesinen Nájimedenov kóshesine deıingi ýchaskede paıda bolady.
Birinshi ýchaskeniń uzyndyǵy 0,92 km quraıdy. Bul jermen 10 baǵyt, 2159 avtobýs ótedi. Ekinshi ýchaskeniń uzyndyǵy 1,59 km. Ol boıynsha 14 baǵyt ótedi. Bul shamamen 2525 avtobýs. Úshinshi ýchaskeniń uzyndyǵy 6,65 km. Bul jermen 7 baǵyt, 1321 avtobýs ótedi.
Eske sala keteıik, «Bus Lane» jobasynyń maqsaty - jolaýshylar úshin yńǵaıly jaǵdaı jasaý, qoǵamdyq kólik qozǵalysyna basym nazar aýdarý.
Atap ótý kerek, atalmysh jolaq arqyly júrý qoǵamdyq kólikterden ózge tek qana jedel qyzmet kólikterine júrýge bolady. Atalmysh tártiptiń saqtalýyn jol polıtsııasy muqııat qadaǵalaıdy.
