Astanada taǵy 10 avtobýs baǵdary ASTRA Plat júıesine qosyldy
ASTANA. QazAqparat - Astanada taǵy 10 avtobýs baǵdary ASTRA Plat júıesine qosyldy, dep habarlaıdy QazAqparat.
«ASTRA kóliktik kartasy qalalyq nómiri 7, 14, 17, 26, 33, 51, 44, 50, 52, 60 baǵdaryndaǵy avtobýstarda qoldanysqa engizildi»,-dep atap ótilgen «ASTANA LRT» kompanııasy málimetinde.
Esterińizge sala ketelik, Elordada ASTRA Plat elektrondy júıesiniń III kezeńi júzege asyrylýda. Kóliktik kartalar barlyq ekspress marshrýttarda № 101, 102, 103, 105 jáne № № 1, 3, 5, 6, 8, 9, 10, 12, 18, 19, 20, 21, 22, 23, 25, 28, 29, 32, 36, 40, 46, 61, 73, 80 qalalyq marshrýttarda iske qosylǵan. Ár avtobýsta elektrondy tólemder qabyldaıtyn valıdatorlar ornatylǵan.
ASTRA kólik kartalary jumys isteıtin barlyq avtobýstardyń esikterinde arnaıy erekshelik stıkerleri bar.
Budan buryn habarlanǵandaı, elorda turǵyndary men qonaqtary kólik kartalaryn aıaldama pýnkteriniń qasynda jáne qalanyń saýda ortalyqtarynda ornatylǵan RTVM avtomattarynan satyp alyp, toltyra alady. Sondaı-aq, jolaýshylarǵa yńǵaıly bolýy úshin bul qyzmetter qalanyń arnaıy kassalarynda qoljetimdi.
Eske salsaq, ASTRA kólik kartalarynyń úsh túri bar: toltyrylatyn, mektep jáne jeńildikti túri. Jolaqy tóleýdiń úırenshikti ádisteri - aqshalaı esep aıyrysý jáne jol júrý bıletteri kúshinde qalady.
